130 տարի առաջ Սորբոնում  է Պիեռ դը Կուբերտենը հիմնել միջազգային օլիմպիական կոմիտեն (ՄՕԿ): Այնտեղ հունիսի 23 –ին հուզիչ միջոցառում է անցկացվել, որին ներկա է եղել ՄՕԿ-ի նախագահ Թոմաս Բախը:  Այդկերպ  նա իր  հարգանքի տուրքն  է  մատուցել Կուբերտենի հիշատակին:

Միջոցառմանը ներկա են եղել նաև  « Փարիզ - 2024  » -ի կազմկոմիտեի, ՄՕԿ-ի անդամները, ինչպես նաև Պիեռ  Կուբերտենի ժառանգները:  Բարոնի  ընտանեկան ասոցիացիայի նախագահ Ալեքսանդրա դե Նավասելը այդ բացառիկ պահի համար երախտագիտության խոսք է  ասել  ՄՕԿ –ի  նախագահին:

Պատմությամբ և մշակույթով թաթախված այդ վայրը՝ Սորբոնը,  ընտրել է պատմաբան, ուսուցիչ, արվեստների և գրականության սիրահար Պիեռ  Կուբերտենը: Նա է վերակենդանացրել  օլիմպիական խաղերը և իրականացրել  խաղաղ մրցակցության միջոցով աշխարհը  միավորելու տեսլականը:

Թոմաս Բախը իր ելույթում նշել է, որ  ֆրանսիացիները  կարող են  հպարտանալ Կուբերտենի թողած  օլիմպիական ժառանգությամբ:

Քանի որ  Փարիզի  խաղերի մեկնարկին շաբաթներ են մնացել, Կուբերտենի ժառանգությունը ռեզոնանսվում է նոր ուժով:

ՄՕԿ-ի նախագահը ներկաներին հիշեցրել է որ Կուբերտենը  օլիմպիական խաղերը վերականգնել է  իր ժամանակի շլացուցիչ հոսանքների դեմ պայքարում՝  ուշագրավ խիզախությամբ,  հեռատեսությամբ և հայեցակարգել է  միջազգային սպորտի գաղափարը, որը հասանելի է բոլորին, իր ունիվերսալ կանոններով: Այդ համակարգը գործում է նաև  այսօր և վկայում է նրա տեսլականի երկարակեցության մասին, - ասել է Բախը:

-  Այսօր Պիեռ դե Կուբերտենի երազանքն ապրում է։ Փարիզի օլիմպիական խաղերի նախօրերին  մարդկության համար միասնության և խաղաղության  խորհրդանիշն ավելի աշխույժ է, քան երբևէ։ Մենք կարող ենք հպարտանալ, որ հավերժացնում ենք նրա ժառանգությունը ապագայի նկատմամբ, - եզրափակել է  ՄՕԿ նախագահը և կրկնել Կուբերտենի խոսքերը. «Ես բաժակ եմ բարձրացնում օլիմպիական գաղափարի համար, որը դարերի մշուշը ճեղքեց արևի հզոր ճառագայթի պես և վերադարձավ ուրախ հույսի լույսով՝   լուսավորելով  մեզ»։

Ավելի վաղ ՄՕԿ-ի նախագահը բացել է «Կուբերտենը ՝ սպորտի հանճարը» ցուցահանդեսը, որտեղ համատեղվում են սպորտն ու մշակույթը ՝ ներշնչված  միասնության ոգով: